Rangkuman Materi Bahasa Banjar Kelas 1 Semester 1 (Kurmer)

Warik wan Kukura sudah lawas bakawan.

Kamana-mana rancak badua.

Warik wan Kukura baimbai batanam puhun pisang.

Pisangnya bangaran pisang mahuli.

 

Puhun pisang warik dimakaninya tarus. 

Kada sawat balacuk, ampun kukura bamula ramba daunnya.

Puhun pisang Warik kada lawas mati.

Warik kadada baisi puhun pisang lagi.

 

Puhun pisang Kukura tumbuh subur.

Buahnya bamula masak bawarna kuning.

Warik manawari mamutikakan buah pisang Kukura.

Kukura hakun haja.

 

Warik banaik ka puhun pisang.

Dimakaninya buah pisang ampun Kukura.

Kukura manangis diculasi Warik.

Buah pisangnya kada lagi basisa.

 

Warik nang kakanyangan taguring.

Inya tagugur matan atas puhun.

Kukura hancap manulungi Warik nang tagugur.

Warik marasa salah maminta maap.

Kukura hakun haja mamaap akan.

 

Latihan Soal.

1. Pisang Kukura ...

2. Kalakuan Warik katuju ...

3. Kukura ... memaap akan Warik.

4. Warik wan Kukura ... bakawan.

5. Kukura ... manolong Warik.

 

Baasinan tamasuk pamainan tradisional di Kalimantan Selatan.

Baasinan ini kawa jua disambat bahasinan atau bahadangan.

Asalnya bahari disambat baasinan atau bahasinan bila manang pamain manyambat "Asiin" atau "Siin".

Disambat bahadangan asal katanya hadang, artinya jaga.

Nang ajak manjaga dan bausaha manjapai lawang nang handak malalui garis.

Alat nang disiapakan lapangan gasan main wan kapur gasan maulah garis.

Lapangan digarisi wan kapur diulah bakotak-kotak.

Garis wan kotak kawa ditambahi amun nang main banyak.

Baasinan kawa dimainakan batiga haja apabila kada bakalompok.

Artinya main saurang-saurangan.

Amun bakalompok paling sadikit kawa dimainakan 6 orang nang dibagi 2 kalompok. 

Kalompok 1 bajaga 3 orang di garis, kalompok 2 bamain 3 orang mamasuki kotak pamainan.

 

Main baasinan banyak baisi kagunaan gasan kita. 

Diantaranya hati manjadi himung, malatih garakan awak supaya sehat wan sigar. 

Amun awak sehat kada panggaringan.

Baasinan jua malatih kerjasama wan kajujuran.

Kalah manang bamainan biasa haja.

Kada bulih kita basarikan.

 

Latihan Soal.

1. Main baasinan maolah hati ....

2. Kagunaan baasinan maolah ... sehat.

3. Supaya manang caranya lawan main harus di ....

4. Kalah manang bamainan kada bulih ....

5. Main baasinan maolah awak sehat supaya jangan ....

 

 

Lirik lagu Cuk-Cuk Bimbi

Cuk-cuk Bimbi

Bimbiku dalam sarunai

Tacucuk takulibi

Muhanya kaya panai 

Sagincu liu-liu

Sagincu liu-liu